Хүмүүс төрсөн цагаасаа өнөөг хүртэл өвдөхгүй байя гэсэн ч өөрийн эрхгүй өвддөг, өтлөхгүй байя гэсэн ч өөрийн эрхгүй хөгширч өтөлдөг. Ийм ажлыг бүтээе гэсэн ч санаагаар нь бүтдэггүй. Ийм муу зүйл надад тохиохгүй байгаасай гэж хүссэн ч аяндаа тохиож байдаг. Ойр дотнын хүнээсээ хагацдаг, эцсийн эцэст өөрөө үхдэг. Эдгээр нь хүн өөрийн эрхгүйгээр зовлонг амсдаг байгалийн хууль, орчлонгийн жам ёс юм. Бид энэхүү хуулийн дагуу хүн болж төржээ. Түүгээр зогсохгүй хүний амьдарч байх хугацаанд зовлон, бэрхшээл өөрийнх нь эрхгүй аяндаа ирдэг нь үнэн. Энэ бол бодит үнэн юм. Орчлонд хүн болж төрсөн л бол зовлон, бэрхшээл хэдийгээр хүн огт хүсэхгүй ч бидний эрхгүйгээр аяндаа ирдэг жамтай. Энэ бол зовлон үнэн гэдэг юм.
0
Embed
Upload